Hotel
အချက်အချာကျတဲ့ ရန်ကုန်မြို့ရဲ့ တစ်နေရာမှာ တိတ်တိတ်ဆိတ်ဆိတ် Staycation အနေနဲ့ အနားယူချင်တဲ့သူတွေ … အလုပ်လုပ်ချင်တဲ့သူတွေ … စာလုပ်ချင်တဲ့သူတွေအတွက်
အခုဆိုရင် … အခန်းတွင်း အလှဆင် ပြင်ဆင်မှုအသေးစားလေးတွေပါပြုလုပ်ပေးထားတဲ့အပြင် … အနားယူစဉ်ကာလမှာ ကိုယ့်အိမ်မှာနေနေရတဲ့အတိုင်း ခံစားချက်မျိုးဖြစ်အောင် လုပ်ပေးထားပါတယ်ခင်ဗျာ..။
Booking တင်မယ်ဆိုရင်တော့ …
Hotel Booking တင်ချင်သူများအနေနှင့် 
-ယနေ့ခေတ် Social Media တွေပေါ်မှာလို ဖျော်ဖြေမှုတွေမရှိသေးခင် (၁၉၀၀) ကျော်အချိန်တုန်းက စိတ်ပန်းဖြေစရာဆိုတာ အဲဒီခေတ်က လူတွေအဖို့မှာတော့ စာအုပ်၊ စာပေတွေနဲ့ ရုပ်ရှင်ရုံတွေကသာ အဖော်ကောင်းတွေဖြစ်ခဲ့မယ်ဆိုတာ သေချာပါတယ်။
-ပညာတတ်တွေ ပေါကြွယ်ဝတဲ့ အဲဒီခေတ်က ကမ္ဘာနဲ့ရင်ဘောင်တန်းနိုင်တဲ့ အဆင့်မြင့် ရုပ်ရှင်ရုံတစ်ရုံရှိခဲ့ဖူးပါတယ်။ အဲဒါကတော့ (၁၉၂၀) ခုနှစ်မှာ တည်ဆောက်ထားခဲ့ပြီး အရင်က Excelsior လို့ ခေါ်တဲ့ ပြဇာတ်ရုံကြီး ဖြစ်ခဲ့ကာ ရုပ်ရှင်တွေ ခေတ်စားခဲ့ချိန်မှာတော့ “ဝဇီရာ” ရုပ်ရှင်ရုံဖြစ်လာခဲ့တာပါ။ အဲဒီတုန်းကတော့ “မွန်ဂိုမာရီလမ်း” (အခုဗိုလ်ချုပ်လမ်း) မ ပေါ်မှာ ဘုရင်မတစ်ပါးသဖွယ် ခန့်ခန့်ထည်ထည်ကြီး တည်ရှိခဲ့တာမျိုးပေါ့။
-အဲဒီအချိန်နဲ့ပြန်တွက်ကြည့်ရင် “ဝဇီရာ” ဟာ အခုဆို သက်တမ်း (၁၀၁) နှစ်တောင် ရှိခဲ့ပါပြီ။ အဲဒီအတွက် သူမကို မြန်မာနိုင်ငံရဲ့ သက်တမ်းအရင့်ဆုံး ရုပ်ရှင်ရုံအဖြစ် မြန်မာ့အမွေအနှစ် ချစ်မြတ်နိုးသူတွေက သတ်မှတ်ခဲ့ကြပါတယ်။
-၁၉၄၅ ခုနှစ်က မြန်မာ့ရုပ်ရှင် ၂၅နှစ်ပြည့်ကို ဗိုလ်ချုပ်အောင်ဆန်းတက်ရောက်ခဲ့ပြီး ဗမာနိုင်ငံရုပ်ရှင်နှင့်ပြဇာတ် အစည်းအရုံးကြီး၏ နှစ်ဆယ့်ငါးနှစ်မြောက် ဗမာပြည်ပြပွဲကြီးဆိုပြီးခမ်းခမ်းနားနား ကျင်းပခဲ့ကြပါသေးတယ်…။
-အဲဒါကြောင့် မြန်မာ့အမွေအနှစ် လက်ကျန်အဆောက်အဦးတစ်ခုဖြစ်တဲ့ “ဝဇီရာ” ရုပ်ရှင်ရုံကို ရှေးဟောင်းအငွေ့အသက်လည်း မပျောက်ပျက်အောင် ခေတ်မီနည်းပညာတွေနဲ့ ပြန်လည်မွန်းမံပြီး ယခုအချိန်မှာ ပြန်လည်အသက်သွင်းဖို့ ကြိုးစားနေကြတာ အသက် (၁၀၁)နှစ် ရှိပြီဖြစ်တဲ့ “၀ဇီရာ” အတွက်တော့ ဝမ်းသာစရာပါပဲ…။
Photo Credit To Original Owners
ရန်ကုန်မြို့ရဲ့ အငွေ့အသက်များကို အတူတူမျှဝေခွင့်ပြုပါ
Pre Booking တင်ချင်သူများအနေနှင့် 
အနှစ်တစ်ရာကျော် မေ့ပျောက် ခံနေရတဲ့ မဂို ဘုရင် ဇဖာရှားရဲ့ သင်္ချိုင်းကို ပြန်တွေ့ခဲ့တာဟာ သူ့ကို သူတော်စင် အဖြစ် ကြည်ညိုသူတွေ၊ အူရဒူ ကဗျာဆရာကြီး အဖြစ် လေးစားသူတွေ အတွက် အားတက်စရာ ဖြစ်ခဲ့ပါတယ်။
သူ့ကို ဒေလီမြို့ကနေ ဗြိတိသျှ တွေ ဖမ်းခေါ်လာပြီး အဲဒီတုန်းက သူတို့ သိမ်းထားကာစ မြန်မာနိုင်ငံ အောက်ပိုင်းက ရန်ကုန်မြို့ကို ပို့ပစ်ခဲ့ပါတယ်။
၁၈၅၈ခုနှစ် ဗြိတိသျှကိုလိုနီ လက်အောက်ရောက်နေချိန်ကာလမှာ အိန္ဒိယနိုင်ငံ ရဲ့ မဂိုလ် နောက်ဆုံး ဘုရင် မျိုးဆက် “Raj Bahadur Shah Zafar” ကို သူ့မိသားစုနဲ့ အတူတူ ရန်ကုန်မြို့ကို နယ်နှင်ဒဏ်ပေးခံခဲ့ရတာဖြစ်ပါတယ်။
ဘုရင်ဟာ ကဗျာဆရာတစ်ဦးလည်း ဖြစ်ပြီး သူဖြတ်သန်းခဲ့ရတဲ့ နောက်ဆုံး နေ့တွေက လွမ်းမောစိတ်ဝင်စားစရာကောင်းလှပါတယ်။
အကျဉ်းစံ ဘဝမှာတောင် ကဗျာတွေ ရေးဖို့ စာရွက် နဲ့ ကလောင်တံ တောင်းတာ မပေးကြတဲ့ အတွက် မီးသွေးနဲ့ နံရံတွေမှာ ကဗျာတွေ ရေးစပ်ခဲ့ရတဲ့အချိန်တွေလည်းရှိခဲ့ပါတယ်တဲ့..။
အဲ့ထဲက ကဗျာတချို့ကိုလည်း သူ့ရဲ့ အုတ်ဂူမှာရေးထွင်းပေးထားပါသေးတယ်။
သူမကွယ်လွန်ခင် ရေးခဲ့တဲ့ ကဗျာလေးတစ်ပုဒ်ကို ဖော်ပြရရင်….
“နားဆင်စရာ တက်ကြွမာန်ပါတဲ့ သီချင်းတစ်ပုဒ်တော့မဟုတ်ပေမယ့်…
ငါဟာမချိတင်ကဲဝေဒနာရဲ့အသံ ၊ ကြီးမားလှတဲ့ ပူဆွေးသောကရဲ့အော်သံ
သေဆုံးဖို့အတွက် မွေးဖွားလာတဲ့ဘ၀အတွက် နေဝင်ချိန်ကနီးလာပြီလေ…
ဂူအမိုးအောက် ငြိမ်းချမ်းစွာနဲ့ ငါလှဲလျောင်းရမှာပါ”
သူ သေဆုံးတဲ့ အချိန်မှာ ဂူဗိမ္မာန်တည်ဆောက်ပြီး လူသူသိပ်မသိခဲ့ကြပေမယ့် အုတ်ဂူကို ရောင်စုံပန်းတွေ ၊ အလံတွေနဲ့ လှပစွာထိန်းသိမ်းထားခဲ့ပြီးနောက်ပိုင်းမှာတော့ အိန္ဒိယနိုင်ငံက တာဝန်ရှိသူတွေ လာရောက်အရိုအသေပေးလေ့ရှိပါတယ်။
Source : MM Time
Photo From – Indian Vagabond
ရန်ကုန်မြို့ရဲ့ အငွေ့အသက်များကို အတူတူမျှဝေခွင့်ပြုပါ
Pre Booking တင်ချင်သူများအနေနှင့် 
လင်ချင်းချောင်း (၁၈၆၇-၁၉ ၂၃) သည် အောင်မြင်ကျော်ကြားသော တရုတ်-မြန်မာ စီးပွားရေး လုပ်ငန်းရှင် ဖြစ်သည်။ တရုတ်ပြည်ရှိ အမွိုင်(Amoy) ဟုခေါ်သော မြို့တွင် မွေးဖွားပြီး စိန့်ပေါလ်ကျောင်းတွင် ပညာသင်ကြားခဲ့သည်။ ရန်ကုန်မြင်းပြိုင်ကွင်း ပိုင်ရှင် ဖြစ်ပြီး ဗမာပြည် ဥပဒေပြုကောင်စီ အဖွဲ့ဝင်လည်း ဖြစ်ခဲ့သည်။
၁၉၁၈ ခုနှစ်တွင် အနောက်တိုင်းနှင့် တရုတ်ရိုးရာ ဗိသုကာလက်ရာများ ရောယှက်ထားသည့် ခမ်းနားသော စံအိမ်ကြီးကို ၂၂ သိန်းကျပ် (ရူပီး) ၂သန်းကျော် အကုန်အကျခံကာ ဆောက်လုပ်ခဲ့တယ်လို့လည်း သိရပါတယ်..။
ရူပီးငွေ ၂သန်း ကျော်ကုန်ကျခဲ့တဲ့ …. ချင်းချောင်းနန်းတော်ကြီးကို ၁၉၁၅ ခုနှစ်မှာ စတင်တည်ဆောက်ခဲ့ကာ… ၁၉၁၉ ခုနှစ်မှာတော့ ပြီးစီးခဲ့ပြီး ၂၀၁၉ ခုနှစ်လောက်က နှစ်၁၀၀ ပြည့်ခဲ့တာဖြစ်ပါတယ်။ အနောက်တိုင်း ဗိသုကာလက်ရာတွေ ရယ် တရုတ်မင်းဆက် စံအိမ်တော်တွေရဲ့ ဗိသုကာလက်ရာတွေ နဲ့ ချင်းချောင်းနန်းတော်က သူ့ခေတ်နဲ့သူ့အခါတုန်းကတော့ ခန်းနားလှတဲ့ အဆောက်အဦးလည်း ဖြစ်ခဲ့ပါတယ်။ ချင်းချောင်း နန်းတော်ကြီး ဆောက်လုပ်ပြီး ၃နှစ်အကြာမှာတော့ သူဌေးကြီးလင်ချင်းချောင်းက ဆုံးပါးခဲ့ပါတယ်။
အတွင်းနံရံဆေးရေးပန်းချီများကို အင်္ဂလိပ်လူမျိုး ပန်းချီဆရာများ ဖြစ်သော အာ့န်စ်နှင့် ဒေါ့ ပရော့တာ (Ernst and Dod Proctor) တို့က ရေးဆွဲခဲ့သည်။ ယနေ့တွင်မူ ထိုနန်းတော်မှာ အနုပညာကျောင်းအဖြစ် ဆက်လက် တည်ရှိနေသည်။
လင်ချင်းချောင်းနန်းတော်ဟာ နှစ်၁၀၀ ကျော်သက်တန်းရှိပြီတော့ … ကန်သာယာ ပန်းခြံ အနီး ၊ ကမ္ဘာအေးလမ်းမကြီးပေါ်မှာ တည်ရှိပါတယ်.။
Photo Credit : Irrawaddy , Frontier , MM Time
ရန်ကုန်မြို့ရဲ့ အငွေ့အသက်များကို အတူတူမျှဝေခွင့်ပြုပါ
Pre Booking တင်ချင်သူများအနေနှင့် 
-ကိုလိုနီခေတ်က ရန်ကုန်မှာ အထက်တန်းလွှာတွေနဲ့ အပတ်စဉ် ပိတ်ရက်တိုင်း တွေ့ဆုံဖြစ်ကြတာကတော့ မြင်းပြိုင်ကွင်းတွေမှာပဲဖြစ်ပါတယ်..။ မြင်းစီးအားကစားကို အင်္ဂလိပ်လူမျိုးများက ၂၀ ရာစုအစောပိုင်းမှာ ရန်ကုန်မြို့ပေါ်ကို ယူသွင်းလာကြတာဖြစ်ပါတယ်။
-မြင်းစီးအားကစားနဲ့ မြင်းပြိုင်ကွင်းတွေကို သွားရောက်တာဟာ ဂုဏ်သရေရှိမိသားစုများသာ ပြုလုပ်တဲ့ အထိမ်းအမှတ်တစ်ခုအဖြစ်လည်း သတ်မှတ်ကြပါတယ်။ ဒုတိယကမ္ဘာစစ်ကြီး မတိုင်ခင် ကာလတွေမှာ ရန်ကုန်က လူချမ်းသာများဟာ ကိုယ်ပိုင်မြင်းတွေကို ဝယ်ယူပြီး ပရော်ဖက်ရှင်နယ် မြင်းစီးသမား (ဂျော်ကီ) များကို စီးနင်းစေကာ ပြိုင်ပွဲဝင်တဲ့အလေ့အထတစ်ခုရှိကြပါတယ်။
-လက်ရှိ ကျိုက္ကဆံ မြင်းပြိုင်ကွင်းဟာ ကိုလိုနီခေတ်များအတွင်းက Rangoon Turf Club လို့ခေါ်တွင်တဲ့ မြင်းပြိုင်ကွင်းတစ်ခုပါ။ ၁၈၈၇ နှစ်မှာ စတင်တည်ထောင်ခဲ့တာဖြစ်ပြီး ယခင်က မိုင်ဒါကွင်းနေရာမှာထားရှိခဲ့ပါတယ်။ နာမည်ကျော် သဌေးကြီး လင်ချင်းချောင်းက ဒီကလပ်ရဲ့ ဥက္ကဌဖြစ်ခဲ့ပါသေးတယ်။
-၁၉၂၆ မှာတော့ ပြိုင်ကွင်းကို ကျိုက္ကဆံသို့ ပြောင်းရွှေ့ခဲ့ပါတယ်။ ကျိုက္ကဆံမြင်းပြိုင်ကွင်းကို အချိန် ၇ နှစ် ကြာအောင် တည်ဆောက်ခဲ့တာ ဖြစ်ပါတယ်။ ကိုလိုနီခေတ်က လူဖြူများသာ သွားလာကြတဲ့ အခြားသော ကလပ်များနဲ့ မတူတာကတော့ Turf Club ဟာ နိုင်ငံခြားသား လူဖြူမဟုတ်သူများကိုပါ ဝင်ခွင့်ပေးတာပါပဲ။
-ကိုလိုနီခေတ်သာမက လွတ်လပ်ရေးရခါစ အချိန်တွေအထိ မြင်းပြိုင်ပွဲတွေဟာ အလွန် ခေတ်စားခဲ့ပါတယ်။ မြင်းပြိုင်ကွင်းရဲ့ မနီးမဝေးမှာ သူဌေးကြီးတွေဟာ ခြံအကျယ်ကြီးတွေနဲ့ ပြိုင်မြင်းပေါင်းများစွာကို မွေးမြူလေ့ကျင့်ခဲ့ကြပါတယ်။ အနိုင်ရတဲ့ မြင်းတွေ ၊ ဂျော်ကီ(မြင်းစီးသမား) တွေဟာ အလွန်မျက်နှာပွင့်ပါသတဲ့။
Credit photos to original owners
Source: တာမွှေ လမ်းညွှန်
ရန်ကုန်မြို့ရဲ့ အငွေ့အသက်များကို အတူတူမျှဝေခွင့်ပြုပါ
Pre Booking တင်ချင်သူများအနေနှင့် 
